Kum 3 hnuah

Kum 3 lai ka tlawh loh hnuah tum loh tak maiin he phekah hian ka chuangkai leh hlauh  mai.

A hma kum 3 kalta nen ka nun ka ngaihtuah hian a danglam tawh ngei mai. Kum pawh a lo tam belh sawt mai a. Hmel chu a la danglam vak rih lo.

Ka dam tha e.

Vawiin atang hian Spring Break 2018 chu a intan chiah a. Kar khat chhung chu university an khar dawn a, chawlh hun ni mahse tih tur leh lehkha zir tur nen ka inpuahchah lawk nasa ngei mai.

Mahni tana in-hope sang ve angreng tak ka nih avang hian kum tam kalta ka han thlir let pawh hian duh ang tawk taka hma ka sawn loh avangin en pawh nuam lo ka ti lek lek thin.

Amaherawh chu hma ka sawn zel tih hi chu hairual a ni lo.

Kum 2 Hnuah Update

Ka post hnuhnung ber kha kum 2 kalta. He blog hi ka lo la nei tih pawh ka hretawh lo, engtin tin emaw ka hmuchhuak leh hlauh.

Mak danglam ve khawp mai.

Kum hnih kalta a mi keimah leh tuna mi hi han inkhaikhin ila...unau an ni thei hial ang.

Pakhat chu a nau zawk khavelin a nausenna a la tihchhiat sak loh.

Pakhat erawh chu rilru khauh, luhlul leh experience ngah zawk.

Mizo tawng ka zir lohna a rei tawh lutuk a, ka thiam chiang tawh mang lo (thiam chiang ngai reng reng mi?)

Kum 2 kaltaah mahni tawka buaina a awm a. Tunah pawh a dang chuang lo. He thu ka ziah mek lai ngei pawh hian a dang lo, harsatna kan nei theuh a ni e. Harsatna min tichaktute leh experience min petute.

Ka mut hun a pel diam tawh zing dar 12:20 AM tunah hian. Mangtha.

Pic update: Kum 2 hnuah.
" Mi dang I van ang lo" . "Eng mi nge I nih?". "Mizo I ang lo". "I danglam bik"

Thinrim hmel post tur ka nei ngah lo tlat.

Court date

Traffic ticket ka chawi! $300 whooww! FUCK!

ka chak theih ka ring ve deuh a, mahse a lo ni lo...

Chawlhni hmasa ber 2013

Blog nan hian min 5 vel ka hmang thin a, rilru a awm ka ziak ve pawp pawp ringawt. Mizo ziah zir nan pawn.

Chawlhni hmasa ber tun kum tan a lo ni leh ta. Vawiin sap leh mizo inkhawm pawh ka kal ve ve a, inchei poh ka inchei ve thawkhat.

Naktuk hian ni 8 a ka court date tur hi reschedule ka tum a, court house a kal a, a theih loh leh appointment tura kal char char. Skul tan ni ni nen, ka rilru a hah ve thawkhat. Mahse heng buai hun vel hi inzirna leh inhmuhchhuahna hun tha tak a ni.

A tawp good luck nan!

Class fail

College kal tir khan math class ka fail hlauh mai a, a ho ve angreng fail chhan pawh kha. Exam lak aiin Uefa Champions League Chelsea vs Barcelona (second leg) en ka thlang zawk vang a nia. Khami hun laia rilru lo neih loh zia ve kha hahaha. Tunah pawh hian pawisa tamtak sengin class lak that leh a ngaih phah ta a, ka la nui thei rih lo.

Tun atanga kum lo thleng zel turah hian ka hlawhtling ta anih leh khami tum hi chu hlim deuha la thlir theih tur a ni.

Ethiopean restaurant thim ve tawkah refugee te leh ka classmate hrang hrang te nen inkhelh en kha chu a nuam in, class thulh phah vang nge ni a nawm dan a danglam khawp mai.

Manchester United die hard fan pawh ni mah ila, Barcelona an chaklo ve hrim hrim leh Torres-a goal kha chu midum ho nen kan inkhuah ve nasa mai. Good times.

Kum thar mi thar

Kum 2013 a lo chuangkai leh ta der mai a, zanlai dar 10 a ri tep toh, ka khumah thu mai mai pahin ka laptop ka khawih mai mai a. Rilru ah thil a tam lulai lutuk a, hmalam hun thlir chung hi chuan rilru a hah ve det. Tunah hian USA ah hian kum 5 chuang ka lo awm ve tawh a, hmasawnna tam tak karah pawh hian USA a awm ve si la chaw-k lo ve na tak tak pawh hi a tam mai. Chutiang bawkin USA a awm mi tam zawk hi chu an fingin an ropui bik lem lo. Tun tum chu ka school kal lehna tur fee pek dan ngaihtuahin ka awm a, thiante chhungten min han phone tir a pawisa puk turin, a la chiang lo e.

Mahse a pawimawh ber a chu, tunah hian ka la dam a, ka la nung a, buaina leh harsatna tam tak karah pawh hian tun hun ka la thleng thei hi thil ropui tak a ni. Hmalam hun thlir zel chungin tih thu lar em em ai chuan ka tan chuan "tun" hi a pawimawh em em a, tun ka hun hian nakin a hun lo thleng tura chu inpuahchahna a ni.

Tunah ka tum chu, skul-ah tha deuha class pass te, hnathawh a pawisa siam a, skul fee te pek zoh te leh mahni intodelh hi a ni ka tum ber chu. Mahni inhmangaih hi ka tum ber a ni.